2,481 Бардыгы /

ЖАЛАЛ-АБАД. Үстүбүздөгү жылдын февраль айынын башында К.Ш. Токтомаматов атындагы Эл аралык университетте (ЭАУда) жогорку окуу жайларда “Филологиялык билим берүү”, “Педагогика” багыттары жана колледждерде “Башталгыч класстарда окутуу”, “Мектепке чейинки билим берүү” адистиктери боюнча билим алган студенттер үчүн орус тилинде “Детская литература и выразительное чтение” (кырг. “Балдар адабияты жана көркөм окуу”) окуу колдонмосу даярдалып, басмаканадан жарык көрдү. Бул тууралуу ЭАУдан билдиришти.

Бул окуу колдонмосу “Балдар адабияты жана көркөм окуу” сабагында колдонулат. Окуу колдомосунда камтылган темалар: балдар адабияты; балдар фольклору; дүйнөлүк балдар адабиятынын тарыхы (Европа, Америка, орус жана кыргыз балдар адабияты); көркөм окуу. Окуу колдонмосу бардык заманбап материалдарды камтыйт. Авторлору: тарбия иштери боюнча проректор, филол.и.к., ЭАУ профессору А.С. Жолдошбаев, педагогика жана окутуу усулуяты кафедрасынын ага окутуучу Г.М. Мамбеталиева.

Эске салып кетсек, 2018-жылы ушул эле темада, т.а. “Балдар адабияты жана көркөм окуу” аттуу окуу колдонмосу, кыргыз тилинде жарык көргөн. Авторлору: филол.и.к., ЭАУ профессору А.С. Жолдошбаев, педагогика жана окутуу усулуяты кафедрасынын окутуучусу А.М. Паязова.

Бул окуу колдонмолору мектеп мугалимдерине, университеттердин жана колледждердин окутуучуларына, балдар бакчаларынын тарбиячыларына жана ата-энелерге керек.

“Аймак”