1,596 Бардыгы /

 АВСТРИЯ. Кыргызстандын Австриядагы Элчиси Бакыт Жусупов Австриянын парламентинин Федералдык Кеңешинин президенти Инго Аппе мырза менен жолугушуп, эки өлкөнүн ортосундагы жана парламенттеринин арасындагы кызматташуу маселелерин кенен-чонон талкуулашты.

Кыргыз Элчиси Бакыт ЖусуповКыргызстан Австрия менен активдүү диалог алып барууга абдан кызыкдар экендигин ырастады. Мында Австриянын парламенттинин жана анын мүчөлөрүнүн Кыргыз-Австрия кызматташуусун алдыга жылдыруудагы жогорку салымын дагы баса белгиледи. Ошондой эле Бакыт Жусупов Кыргыз Республикасынын Жогорку Кеңешинин Төрагасы Дастанбек Жумабековдун Инго Аппегедаректелген Кыргызстанга расмий иш сапарга чакыруусун колуна тапшырды.

Жооп иретинде сүйлөгөн Австриянын парламентинин Федералдык Кеңешинин президенти Инго Аппе расмий чакыруусу үчүн Кыгыз тарапка терең ыраазычылыгын билдирди. Демократиялык жетишкендиктери менен белгилүү Кыргызстанга расмий иш сапары менен бараарына бекем ишендирди. Ошондой эле Инго Аппе анын иш сапары Кыргыз-Австрия карым-катышын жана парламенттер аралык кызматташтыкты өнүктүрүүгө дагы олуттуу  салымын кошоорун баса белгиледи.

Алишер ТОКСОНБАЕВ, өз кабарчы