1,378 Бардыгы /

ТАТАРСТАН. Кыргыз Республикасынын Орусиядагы Элчиси Аликбек Жекшенкулов Татарстан Республикасына жасаган жумушчу сапарынын алкагында бул республикада туруктуу жашап жатышкан Кыргыз диаспорасынын өкүлдөрү менен жолугушту. Ага Татарстан Республикасынын Премьер-министринин орун басарыВ.Шайхразиев дагы катышты.

Кыргыз Республикасынын Орусиядагы Элчиси Аликбек Жекшенкулов Татарстан Республикасында туруктуу жашап жана иштеп жатышкан мекендештери үчүн түзүлгөн ыңгайлуу шарттар үчүн Орусиянын, ошондой эле Татарстан Республикасынын жетекчилигине терең ыраазычылыгын ачыктады. Кыргызстандын жетекчилигинин жүргүзүп жаткан саясатынын негизги багыттары туурасында, мунун ичинде чет өлкөлөрдө эмгектенип жатышкан Кыргыз жарандарынун укуктарын жана кызыкчылыктарын коргоо иши негизги артыкчылыктардан экендигин дагы кошумчалады.

Андан ары жолугушуу маалында Кыргыз жарандарына укуктук жана консулдук маселелер боюнча жеринде кеп-кеңештер берилди. Ошону бирге ошол эле жерде айрым жарандардан консулдук документтери боюнча тиешелүү материалдар дагы кабыл алынды.

  Алишер ТОКСОНБАЕВ, өз кабарчы