1,348 Бардыгы /

КРАСНОЯРСК. Кыргызстандын Орусиядагы Элчилигинин Красноярск шаарындагы Канцеляриясынын демилгеси аркасында Красноярск шаарындагы Элдердин Достугу сарайында Кыргыз делегациясы аталган калаада жашап жана окуп жатышкан Кыргыз диаспорасынын өкүлдөрү менен атайын жолугушту.

Аталган жолугушууга Кыргызстандан барышкан Жаштар иштери, физкультура жана спорт боюнча мамлекеттик агенттигинин өкүлү Кубаныч Эрмеков, тренерлер Игорь Борисов, Эльзар Абдыракманов, сноуборддор Тимур Губаев, Алексей Вакурин, тоо лыжачылары Максим Гордеев, Евгений Тимофеев катышышты. Булардын бардыгы Красноярск шаарында өткөрүлгөн Кышкы Эл аралыкуниверсиадага катышышкан. Алар адегенде бул иш-чаранын абдан жогорку деңгээлде уюштурулгандыгын баса белгилешти. Андан соң мекендештери менен ийгиликтерин жана тажрыйбаларын тең бөлүшүштү.

Соңунда мындай Кышкы Эл аралык универсиаданы Кыргызстанда дагы уюштуруу демилгеленди.

      Алишер ТОКСОНБАЕВ, өз кабарчы