1,545 Бардыгы /

Өзбекстандын Ички иштер министрлигинин (ИИМ) алдындагы Жазаларды аткаруу кызматына таандык «Зангиота 24» абагынын кызматкерлери жетекчилик аларды камактагылар менен чогуу иштөөгө мажбурлап жатканына даттанышты.

Алардын айтымында, кызматкерлер абактын аймагындагы эски имараттарды бузуу ишине негизги жумушу аяктагандан кийин тартылууда.

«Алар бизди 14-февралдан бери иштөөгө мажбурлап жатышат. Түнкү кызматтан кийин биз күндүзгү нөөмөттө иштейбиз. Биздин 12 сааттык кызматыбыз 24 саатка созулуп кетүүдө. Биз дагы адамбыз да, ар бирибиздин өз көйгөйүбүз, үйдө ишибиз бар. Бизге эч кандай материалдык жардам берилбейт, ал эмес түшкү тамак да уюштурулбайт. Абак жетекчисине кол алдындагыларды кулдай иштетүүгө ким укук берди? Ушундай чоң министрликте техника, жумуш күчү жокпу?», — деп жазышкан алар.

Абак кызматкерлеринин биринин айтымында, болжол менен 100 кызматкердин үчтөн бири күнү-түнү эски имараттарды бузуп иштеп жатат.

«Алар бизди 14-абактан келген 15 камактагы адам менен чогуу иштегенге мажбурлап жатышат. Алар жакшы иштешпейт, чай ичип отура беришет. Аларга кыйкыра да алышпайт, дароо эле президенттин порталына кайрылышат. Күнү-түнү уктабаган бизге алардын алы жетет. Жумушсуз калбайлы деп чаңда иштеп жатабыз», — деди ал.

Түрмө жетекчилиги бул маалыматтар боюнча текшерүү жүргүзүп, андан кийин гана суроолорго жооп бере турганын билдирди.

www.