2,103 Бардыгы /

ЖАЛАЛ-АБАД. Бүгүн, 15-мартта Жалал-Абад областык Өкмөттүн өкүлчүлүгүндө Жогорку кеңештин депутаттары катышкан аялдардын тең укуктуулугу боюнча  жыйын болуп өттү.

Жыйынга ЖКнын депутаттары Айнура Осмонова, Ирина Карамушкина, Рада Туманбаева, Жылдыз Мусаева жана бир топ активист, ишкер айымдар катышты.

Анын максаты үй-бүлөлүк зомбулуктан сактоо жана коргоо, кыз ала качуудагы жазаны күчөтүү, Кыргыз Республикасынын мыйзамдарын ишке ашыруу боюнча угуу жана талкуулоо болду.

“2017- жылы 27-апрелде зордук-зомбулук боюнча  мыйзам кабыл алынды. Бул аялдардын укугун, үйдө болуп жаткан зомбулук, психологиялык, моралдык басым көрсөтүлүп жаткандардын баарын чектөө боюнча мыйзам. Аны өткөрүп гана тим болбостон, кандай иштеп жатканы боюнча элди аралап угуп жатабыз. Талас, Нарын, Ош областтарында болдук, азыр Жалал-Абадда болуп жатабыз“,- дейт Рада Туманбаева Жогорку Кеңештин депутаты.

Форумда аялдардын тең укуктуулугу жана аларга жасалган зомбулуктар, кыз ала качуу тууралуу бир топ маселелер талкууга түштү. Анда катышуучулар Жогорку Кеңештин депутаттарына суроо беришип, жооп ала алышты.

“Аймак”