2,375 Бардыгы /

БИШКЕК. Кыргыз Республикасынын Президенти Сооронбай Жээнбеков 18-мартта өлкөбүздүн Кытайдагы Элчиси Канайым Бактыгулованы, Швейцариядагы Элчиси Данияр Мукашевди, Түркиядагы Элчиси Кубанычбек Өмүралиевди жана Казакстандагы Элчиси Жээнбек Кулубаевди кабыл алды.

Жолугушуу маалында Кыргызстандын тышкы саясатынын маселелери жана аталган өлкөлөрдөгү Атайын жана Ыйгарым укуктуу Элчилердин ишмердигинин негизги багыттары дагы ачык маанайда талкууланды. Мамлекет башчысы ушул жылдын 14-мартындагы Кыргыз Республикасынын чет өлклөрдөгү мекемелеринин башчылары менен өткөн кеңешмени дагыв бир ирет эске салып, мындан ары элчилердин жана башкы консулдардын үч жылдык конкреттүү милдеттери жана алардын ишмердүүлүгүн баалоо критерийлери кечиктирбей бекитилиши керектигин дагы баса белгиледи. Президент ошондой эле ыргызстандын элчилери жана башкы консулдары менен  жолугушуулар жыл сайын өткөрүлүп, тагылган милдеттердин аткарылышына жана жасалган иштерине татыктуу баа берилээрин даны эскертти. Бугай улай саясий, соода-экономикалык, инвестициялык, илимий-техникалык, маданий-гуманитардык эки жана ар тараптуу кызматташууну чыңдоого багытталган ар бир өлкө менен кызматташуунун негизги артыкчылыктуу багыттарын дагы баса белгиледи. Мунун ичинде өкөбүздүн алыскы аймактарына инвесторлорду тартуунун, Кыргызстандын соода жүгүртүүсүндө экспорттун үлүшүн жогорулатуунун маанисине дагы токтолду.

– Биз өлкөлөрдүн ортосундагы карым-катышты мындан ары абдан активдештирип, болгон мүмкүнчүлүктү толугу менен пайдаланышыбыз кажет! — деди Сооронбай Жээнбеков. – Кыргызстандын тышкы саясатындагы маанилүү багыттарынын бири – чет өлкөдө иштеп жүрүшкөн жарандарывбыздын укуктарын жана кызыкчылыктарын коргоо! Буга улай мекендештерибиздин ал өлкөлөрдө шайлоо укугун камсыздоо үчүн дагы бардык шарттарды жаратуубуз кажет!

            Соңунда Кыргызстандын Кытайдагы Элчиси Канайым Бактыгулова менен КЭР Төрагасы Си Цзиньпиндин Кыргызстанга жасай турган мамлекеттик сапарына жана Бишкекте 2019-жылдын июль айында өтүүчү ШКУнун Саммитине камылга маселелери даны кенен-чонон талкууланды.

Алишер ТОКСОНБАЕВ, өз кабарчы