1,980 Бардыгы /

Казакстандагы «Каламкас» мунай кениндеги скважиналардын биринде он метр бийиктикте газ ачык күйүп жатат. Бул тууралуу бүгүн өлкөнүн Өзгөчө кырдаалдар комитетинин басма сөз кызматы билдирди.

«25-мартта таңкы саат 07:10до Мангистау облустук өзгөчө кырдаалдар департаментине «Каламкас» кениндеги скважиналардын бириндеги 900 чарчы метр аянтта 10 метр бийиктикте газ ачык күйүп жаткандыгы тууралуу маалымат келип түшкөн. Каза болгондор жана жабыркагандар жок», – деп жазылган мекеменин билдирүүсүндө.

13-мартта «Каламкас» кениндеги скважиналардын биринде газ аралашмасы сызылып чыгып жатканы белгилүү болгон. Күн мурун өлкөнүн Индустрия жана инфраструктуралык өнүгүү министрлиги кендеги бул авария боюнча иликтөө жүргүзүп жатканын билдирген.

«Каламкас» мунай кенин иштетүү менен «Мангистаумунайгаз» ачык акционердик коому, бургулоо иштери менен «Si Bu» мунай компаниясы алектенет.

www.