Аймак

ПРЕЗИДЕНТ ЖЭЭНБЕКОВ ТЫШКЫ ИШТЕР МИНИСТРИ МЕНЕН ОРУСИЯ ПРЕЗИДЕНТИНИН САПАРЫНА КАМЫЛГАНЫ КАТУУ ТАЛКУУЛАДЫ

ПРЕЗИДЕНТ ЖЭЭНБЕКОВ ТЫШКЫ ИШТЕР МИНИСТРИ МЕНЕН ОРУСИЯ ПРЕЗИДЕНТИНИН САПАРЫНА КАМЫЛГАНЫ КАТУУ ТАЛКУУЛАДЫ

 1,527 Бардыгы /

  БИШКЕК. Президент Сооронбай Жээнбеков тышкы иштер министри Чыңгыз Айдарбеков менен Орусия Президентинин Кыргызстанга мамлекеттик сапарына камылга туурасындагы маселени абдан катуу талкуулады.  

Жолугушууда Орусия Президенти Владимир Путиндин Кыргызстанга биринчи мамлекеттик сапарына даярдык  көрүү маселелери жана ошондой эле тышкы саясаттагы бардык актуалдуу көйгөйлөр жаатында пландар жана милдеттер дагы кеңири талкууланды. Министр Чыңгыз Айдарбеков Орус Президенти Владимир Путиндин мамлекеттик сапарына даярдыктын жүрүшү жана бул визиттин алкагында өтө турган бир катар ишчаралар туурасындагы дагы маалымдады. Президент Сооронбай Жээнбеков бекитилген план-программага ылайык бардык милдеттерди кылдат жана өз маалында жүзөгө ашыруу тапшырмасын берди.

Айтмакчы, Орусия Президенти Владимир Путин 28-мартта Кыргызстанга биринчи ирет атайын сапарлайт. Бул ирет Кыргыз-Орус мамилелери кеңири алкакта талкууланат. Ошондой эле бир катар экономикалык долбоорлорду чогуу жүзөгө ашыруу маселеси дагы абдан катуу каралат.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17