2,939 Бардыгы /

Революциялардын мамлекетке тийгизген терс таасирлери тууралуу илимий конференцияда талкуулашты.

Жалал-Абад мамлекеттик университетинин чоң жыйындар залында Аксы окуясы, Март, Апрель – Элдик революцияларга карата илимий-практикалык конференция болуп өттү. Ага окуу жайдын ректору, проректорлор, КРнын Өкмөтүнүн Жалал-Абад областындагы ыйгарым укуктуу өкүлүнүн орун басары Ырысбек Ызабеков жана профессордук окутуучулук курам жана 200 гө чукул студенттер катышты. Элдик ыңкылап жөнүндө илимий-баяндамалар окулуп, анын мамлекетке тийгизген терс жактары талкууланды.

Конференцияда илим жаатындагы окумуштуулар тарабынан илимий баяндамалар жасалып, революциянын Кыргызстандын өнүгүүсүнө, экономикасына тийгизген терс таасирлери тууралуу айтылды.

– «Март жана апрель революцияларынын экономикага тийгизген таасирлери»

– «Элдик революциялардын илимий анализи»

– «Март окуясы: Изилдөөлөр, ойлор жана көз караштар»

– «Аксы окуясын тарыхый аспектиде анализдөө»

– «Март-апрель революцияларынын Кыргызстандын өнүгүүсүнө кошкон салымы»

– «Жалал-Абад облусунун экономикасына Март, Апрель-революция- ларынын тийгизген таасири» – «Элдик революциялар – жаштардын көзү менен» темаларында докладтар жасалды.

Жыйынтыгында жалпы коомчулукту биримдикке үндөшүп, мамлекетте тынчтык өкүм сүрсө гана өлкөнүн социалдык-экономикалык абалы чыңдаларын айтылды.

Роза АКМАТЖАН кызы, “Аймак”