1,762 Бардыгы /

Кыргыз Чекара кызматынын Баткен, Ош жана Ысык-Көл башкармалыктарынын алкагында аскерге жаңыдан чакырылган 756 жаш жоокер ант беришти. Буга дейре баары тең аскердик даярдыктан өтүштү жана жоокерлер турмушунун көп сырларын үйрөнүштү.

Аземиге аталган башкармалыктардын жетекчилиги, Чекара отряддарынын командирлери, мамлекеттик акимчиликтердин өкүлдөрү, ардагерлер жана жоокерлердин ата-энелери, тууган-уруктары катышышты. Сүйлөгөндөрдүн бардыгы жаш аскерлерге Мекенинин бүтүндүгүн жана көз карандысыздыгын коргоодо чапчаңдыкты, сактыкты тилешти. Ошондой эле чекарадагы ар кандай кырдаалда чечкиндүүлүктү каалашты.

 Ант берүү аземинен соң жаш жоокерлер Кыргыз Чекара кызматынын өлкөбүздүн булуң-бурчундагы аскердик бөлүктөрүнө кызматын андан ары улантуу үчүн жөнөтүлдү.

Алишер ТОКСОНБАЕВ, өз кабарчы