592 Бардыгы /

Ош шаарынын Ленин жана Курманжан датка көчөлөрүн бириктирген Мамажан көчөсү толук оңдоп-түзөөдөн өтүүдө. Аталган көчө Шейит-Дөбө аймагында жайгашып, бир канча соода күркөлөрү алынып салынган. Бул тууралуу Ош шаардык мэриясынан билдиришти.

Мэр Таалайбек Сарыбашов курулуш иштери менен таанышып, курулуш материалдарын саткан соодагерлерди тазалыкты сактоого чакырды. Буга чейин каралбай калган көчөнү оңдоо боюнча тапшырма берилип, курулуштун биринчи этабындагы иштер аткарылды.
Жол четине арыктар (лоток) курулуп, жөө адамдар басуучу жол (тротуар) курулду. Жолдун бир тарабына курулган тротуардын узундугу 258 метр, туурасы 2, 25 метрди түзөт.

Ал эми апрель ай ичи жолду асфальттоо иштери бүткөрүлөт. Асфальтталуучу жолдун узундугу 258 метр, туурасы 7 метр болот. Курулуш иштери жергиликтүү бюджеттен каржыланууда.

“Аймак”