2,036 Бардыгы /

БИШКЕК. Кыргыз Республикасынын Президенти Сооронбай Жээнбеков коомдук уюмдардын 2010-жылдагы Элдик Апрель ыңкылабына катышкан өкүлдөрү, жапа чекендердин жана курман болгондордун туугандары менен жолугушту.

                   Мамлекет башчысы адегенде 2010-жылдагы Элдик Апрель ыңкылабы элдин эркиндикке умтулуусун жана үй-бүлөлүкбашкаруугакаршыкүрөшүүдөгү майтарылбас эркин, өлкөбүздүн жаркын келечеги үчүн өмүрүн дагы курмандыкка чалууга даяр экенин көрсөткөн тарыхый окуя экендигин баса белгиледи.

                        – Кайгылуу окуялар учурунда курман болгондордун ысымдарын жана жаркын элестерин түбөлүккө калтыруумаксатында 2020-жылыЭлдикАпрель ыңкылабынын 10 жылдык мааракесин өткөрүү жөнүндө тийиштүү Жарлык даярдалууда. Уюштуруу комитети түзүлүп, мындан ары ага кызуу даярдык иштери башталат, — деп эскертти Президент Сооронбай Жээнбеков.

Бул жолугушуунун катышуучулары Апрель ыңкылабынын он жылдык мааракесин Улуттук деңгээлде белгилөө боюнча Жарлыктын концепциясын катуу кубатташып, өз сунуштарын жана пикирлерин дагы айтышты. Ошондой эле Жарлыкты жүзөгө ашырууда бардык жардамдарын бере турушкандыгын дагы жашырышкан жок. Ошондой эле бул өңдөнгөн тарыхый окуялар Кыргызстанда экинчи кайталанбай, өлкөгө тынчтык, туруктуулук жана ынтымак керек экендигин дагы баса белгилешти.
Мындан тышкары жолугушуунун катышуучулары социалдык-экономикалык маселелерге, маданият жана спортту өнүктүрүүгө, аймактарды өнүктүрүүгө, өлкөнү санариптештирүүгө, сот реформасын ыкча жүргүзүүгө, жемкорлукка каршы күрөштү күчөтүүгө байланыштуу каалоо-тилектерин жана өтүнүчтөрүн дагы билдиришти. Анан дагы Президент Сооронбай Жээнбековдун Кыргызстандын өнүгүүсүнө жана мамлекеттүүлүктү, элдин биримдигин бекемдөөгө багытталган саясатын ар тараптан колдой тургандыктарын баса белгилешти.

Бул жолку расмий жолугушууга «Мекен Шейиттери», «Эр Теги», «Баатырларга таазим», «Жаркын Элес», «Апрель Баатырлары», «Айкөл Ала-Тоо», «Апрель. Элим. Кыргызстан», «АйкөлТаза Коом», «Апрель Баатырлар Биримдиги», «Апрель байрагы», «Элдик сакчы»,  «Элдик кайрат»,  «Мекен үчүн»,  «Орток шамы»  коомдук уюмдарынын,  «Патриот» элдик кошуундар кыймылынын  өкүлдөрү, Кыргызстандын биринчи вице-премьер-министри Кубатбек Боронов, Президенттин Аппаратынын Жетекчисинин биринчи орун басары Алмаз Кененбаев дагы катышты.

Алишер ТОКСОНБАЕВ, өз кабарчы