1,277 Бардыгы /

Тажикстанда Кыйноолорго каршы жарандык коалициясы Башкы прокуратурадан 68 жаштагы аялдын өмүрүн коркунучка кептеген милиция кызматкерлерин кылмыш жоопкерчилигине тартууну сурады.

Жер тилкесин басып алуу жана мыйзамсыз курулуш жүргүзүү айыбы менен кармалган Истад Курбонова 12-январда тергөө абагында өзүнө өрт коюп, жанын кыюуга аракет кылган.

«Милиция кызматкерлери Курбанова өзүн өрттөөгө аракет жасагандан кийин аны ооруканага эмес Истаравшан шаарындагы тергөө абагына алып барышкан. Бирок ал жакта аялдын абалы начар экенин айтышып, кабыл алышкан эмес. Милиция кызматкерлери Айниге кечинде гана келип, аялды жергиликтүү ооруканага жаткырышкан. Бул убакыт аралыгында Курбанованын абалы начарлап кеткен», – деди коалициянын адвокаты Гүлнора Аминова.

Истад Курбонова жер тилкесин басып алып, ал жерге кампа жана мончо курганы үчүн камалган. Бирок ал аталган жер тилкесин совет мезгилинде эле мыйзамдуу түрдө алганын билдирген.

Бул окуяга байланыштуу райондук ички иштер бөлүмүнүн үч кызматкери жумуштан четтетилген. Прокуратура тергөө абагынын сакчысы Шариф Мирзошарифов карата териштирүү иштерин баштаган.

WWW.