1,208 Бардыгы /

ЖАЛАЛ-АБАД. Бүгүн, 4-апрелде Жалал-Абадда жеке ишкерлер, Улуттук банк жана банктардын жетекчилери катышкан жолугушуу болуп өттү.

Ага Өкмөттүн ыйгарым укуктуу өкүлү Кыянбек Сатыбалдиев, орун басары Мамасалы Акматов, Улуттук банктын өкүлдөрү, ишкерлер жана банктын жетекчилери катышты

Банктар менен жеке ишкерлердин иштешүүсү жана насыя берүү боюнча терең маалыматтар берилди.

Кыргыз-орус өнүктүрүү фондунун Түштүк региону боюнча координатору Санжар Эргешов ишкерлер Кыргыз-орус өнүктүрүү фондунун кызматынан да пайдалана аларын айтты:

“Негизи Кыргыз-орус өнүктүрүү фонду Кепилдик фонд менен иштешебиз. Насыялар банк аркылуу берилет. Кредит алууда күрөөгө коюлчу сумма жетпей калганда ишкерлер Кепилдик фондго кайрылса болот. Кепилдик фонд кредиттик сумманын жарымына чейин өзүнүн кепилдик суммасын төгүп бере алат. Ошентип кредит алса болот”-дейт.

Андан сырткары банктын жетекчилери менен ишкерлер ортосунда талкуу болуп, суроолоруна жооп ала алышты. Аталган иш-чара Каржы институттары менен Бизнес коомчулугунун натыйжалуу диалогун түптөө максатында уюштурулган. Эми бул аркылуу калктын банктардын ар кандай кызматынан пайдалануу мүмкүнчүлүгү дагы кеңейет деген ишеним күч.

“Аймак”