1,658 Бардыгы /

ЖАЛАЛ-АБАД. Бүгүн 4-апрелде Өкмөттүн Жалал-Абад областындагы ыйгарым укуктуу өкүлүнүн аппаратынын кезектеги коллегиялык жыйыны өткөрүлдү.
Отурум алгач өлкөнү санариптештирүү боюнча аткрылчу жумуштарга тапшырмаларды коюуу менен башталды. Андан соң, жазгы тала жумуштарынын жүрүшү боюнча отчёт берилип, суу каналдары толук тазалана электиги баса белгиленди. Ошондой эле, 2020-жылда болуучу эл каттоого даярдыктын начардыгы, област боюнча 250 дөн ашуун көчөлөргө аталыш, турак-үйлөрүнө катар номур коюлушу керектиги айтылды. Мындан сырткары турак-үйлөрдү камсыздандыруу иштерин илгерилетүү маселеси козголду. Жалал-Абад областы боюнча турак-үйлөрдү камсыздандырууда Сузак району биринчи орунда турса, Жалал-Абад шаарынын эки аймактык башкаруусу жана Базар-Коргон районунун айрым айыл өкмөттөрү артта калган.

Бүбүсара ОРОЗАЛИЕВА, “Аймак”