2,264 Бардыгы /

ЖАЛАЛ-АБАД. Ала-Бука районуна караштуу Көк-Серек айыл өкмөтүндө «Көк-Серек»жана Ак-Коргон айыл өкмөтүнүн Падекайылында«Ак-Коргон» чек ара заставалары пайдаланууга тапшырылды.
Эки чекара заставасынын ачылыш аземине Кыргызстандын Куралдуу Күчтөрүнүн Башкы Штабынын жетекчиси, генерал-майор Раимберди Дүйшөмбиев,МамлекеттикЧек ара кызматынын төрагасынын орун басары, полковник Д. Сатимов, Ала-Бука районунун акиминин орун басары Калчабү Сатимбаева катышышты.
Жаңы завставаларда Чек ара кызматкерлери жана жоокерлер үчүн заманбап шарттар жаратылган. Тактап айтканда, заставада административдик жайлары бар казарма,офицердик курамга, алардын үй-бүлөсү үчүн туракжай, кампа жайлары бар.Техниканы оңдоочу жана сактоочу жабык бокстору, аткана жана кызматтык иттер үчүн вольери дагы камтылган. Жаңы комплекстин аймагында ок атуучу куралдар менен иштөөгө машыгуучу жана окуу жайы, спорттук аянтчадагы курулган.
-Заставаларда жана отряддарда жаңы чек ара комплексттерин куруу өлкөбүздүн чек ара коопсуздугун коргоонун деңгээлин гана көтөрбөстөн, аскер кызматкерлеринин кызмат өтөөсү үчүн дагы жакшы шарттарды түзөт. Буга дейре Чек арага өмүрүн арнаган кызматкерлердин турак жайга болгон муктаждыктары эми гана чечиле баштады.Былтыр кызматкерлердин маяналары көбөйтүлдү. Эң башкысы буларга ыңгай жаратууга аракетибиз абдан күч! – деди Кыргызстандын Куралдуу Күчтөрүнүн Башкы Штабынын жетекчиси, генерал-майор Раимберди Дүйшөмбиев.
Баса, өлкөбүздөгү Чек ара заставалары Кыргыз жана Орусия Өкмөттөрүнүн ортосундагы Евразиялык экономикалык Биримдикке кошулуунун алкагында Кыргызстанга колдоо көрсөтүү жөнүндөгү келишимге ылайык каржылык колдоонун негизинде гана тикеленип жаткан чагы.

Алишер ТОКСОНБАЕВ, өз кабарчы