Аймак

ТҮРКМӨНСТАНДА СУУ ҮЧҮН АКЧА ТӨЛӨБӨГӨН ЖУМУШЧУЛАРГА АЙЛЫК БЕРИЛБЕЙ ЖАТАТ

ТҮРКМӨНСТАНДА СУУ ҮЧҮН АКЧА ТӨЛӨБӨГӨН ЖУМУШЧУЛАРГА АЙЛЫК БЕРИЛБЕЙ ЖАТАТ

 1,386 Бардыгы /

«Ашхабад суу чарбасы» ишканасы суу үчүн акча төлөбөгөн кызматкерлерине март айы үчүн айлык бере элек. Бул тууралуу «Азаттык» радиосунун түркмөн кызматы кабарлады.

«Ашхабад суу чарбасы ишканасынын жумушчулары март айы үчүн айлык алышкан жок. Апрелдин башында аларга биринчи кварталда пайдаланган суу үчүн 50 манаттан (расмий курс боюнча 3,5 манат 1 долларга барбар) төлөшү керектигин айтышкан. Анда эгер бул сумма суу чыгымдарынан ашык болсо, калганы кайтарылып бериле турганы айтылган», — деп жазды басылма.

Ишкана жумушчуларынын айтымында, алардын көбүндө акча жок болгондуктан, талап кылынган сумманы ала элек айлыктарынын эсебинен төлөөгө туура келүүдө. Бирок бул төлөмдөр үчүн аларга эч кандай дүмүрчөк берилген эмес.

Азырынча бул боюнча ишкана жетекчилигинен түшүндүрмө алууга мүмкүн болгон жок.

Апрелдин башында «Ашхабад суу чарбасы» ишканасы шаар тургундарына кайрылып, аларды суу эсептегичтерди орнотууга, суу жана канализация үчүн акча төлөөгө чакырган.

Жаңы эрежелер быйыл жыл башында күчүнө кирген. Өлкө жетекчилиги калкка бекер суу, газ жана электр энергиясын берүү боюнча жеңилдиктер жоюла турганын былтыр сентябрда билдирген.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17