1,669 Бардыгы /

Тажикстандагы Юстиция министрлигине караштуу Жазаларды аткаруу башкы башкармалыгынын системасында ротация болду.

Тажик укук коргоочуларынын айтымында, акыркы ротация Хожент колониясындагы тополоңо байланыштуу. 2018-жылы 8-ноябрь түнү болгон абактагы тополоңду басуу учурунда, расмий маалымат боюнча 21 соттолуучу өлгөн. Эки түрмө кызматкери курман болуп, дагы бешөө жаракат алган.

Жазаларды аткаруу башкы башкармалыгынын башчысы Мансуржон Умаров 11-апрелде кадрдык өзгөрүүлөр болгонун, бирок Хожент колониясында иштегендер алмашпаганын тастыктады.

Тажикстандын түндүгүндө эки колония жана эки тергөө изолятору жайгашкан. Алардын баары Хожент шаарында жайгашкан. Кадрдык алмаштыруулар Тажикстандагы башка түзөтүү мекемелеринде да болору күтүлүүдө.

​Тополоңдон эки апта өткөндөн кийин Тажикстандын тышкы иштер министри Сироджиддин Мухриддин Брюсселде бийликтин расмий версиясын жарыялаган:

– Күзөтчүлөр жана колониянын кызматкерлери козголоңчуларды диалогго чакырган, – деди ал. – Бирок соттолгондор каршылык көрсөтүп, бир нече киши качууга аракет кылган… Өлгөндөрдүн ичинен 12си Сирия жана Иракта ИМ тобунун катарында согуштук аракеттерге катышканы үчүн жазасын өтөп жаткан, үчөө – “Ансоруллах”, “Жундуллах” экстремисттик тобунун жана “Өзбекстан Ислам кыймылынын” мүчөсү, алтоо – киши өлтүрүү, баңгизат аткезчилиги сыяктуу оор кылмыштар үчүн соттолгон.

Түрмөдөгү башаламандыкка байланыштуу түзөтүү мекемесинин жети кызматкери кармалган. Алардын арасында түрмөнүн башчысы Файзулло Сафарзода, режим бөлүмүнүн башчысы Фарход Садиров да бар.

www.