1,737 Бардыгы /

            БАТКЕН. Кыргыз Өкмөтүнүн Баткен блусундагы ыйгарым укуктуу өкүлү Акрам Мадумаров  ЮНИСЕФдин Кыргызстандагы өкүлдөрү менен жолугушту. Бул кездешүүгө ЮНИСЕФ Эл аралык Уюмунун  Кыргызстандагы Өкүлчүлүгүнүн башчысыЮкиэМокуо, уюмдунКыргызстандынтүштүк аймагы боюнча башчысыЭраджКаниевкатышты.

Жолугушуунун  алкагында балдар үчүн стратегиялык өнөктөштүктү кеңейтүү мүмкүнчүлүктөрү кенен-чонон талкууланды. Мектепке чейинки курактагы балдарды бала бакчага тартуу,балдардын жана энелердин өлүмүн дээрлик кыскартуу, ден соолугунан мүмкүнчүлүгү чектелген балдарды ар тараптуу  калыптандыруу,чек аралаш аймактагы жаш жеткинчектердин ынтымагын бекемдөө жаатында мындан ары дагы биргеликте, тыгыз  ишалып баруу жагы катуу макулдашылды. Кыргыз Өкмөтүнүн Баткен блусундагы ыйгарым укуктуу өкүлү Акрам Мадумаров облустагы социалдык көйгөйлөрдөн арылууда жакындан жардам көрсөтүп келаткан ЮНИСЕФ уюму Баткен облусунун ишенимдүү өнөктөшү экендигин баса белгилеп, аталган уюмдун түздөн-түз колдоосу аркасында облуста мектепке чейинки курактагы балдардын 41 пайызы бала бакчага тартылгандыгын, балдардын жана энелердин өлүмү кыскаргандыгын айтып, муну үчүн терең ыраазычылыгын жашырган жок.

Белгилей кетчү жагдай: ЮНИСЕФ уюмунун колдоосу аркасында 2008-жылдан бери отуздан ашуун  жамааттык балдар бакчалары ачылган болсо, Баткен шаарында, Баткен жана Лейлек райондорунда балдардын калыптандыруу борборлору жана  Жаштар борборлору дагы ишке киргизилген.  Мындан тышкары облустун билим берүү мекемелерине окуу китептери, ал эми саламаттыкты сактоо тармагына заманбап медициналык жабдуулар дагы тартууланды.

Жыйын соңунда ЮНИСЕФ Эл аралык Уюмунун  Кыргызстандагы Өкүлчүлүгүнүн башчысы Юкиэ Мокуо Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаровду бул жооптуу кызматка жаңыдан дайындалышы менен чын ыкластан куттуктап, өзүнүн баалуу белектерин тапшырды. Ошол эле учурда АкрамМадумаров Юкие Мокуого “Кыргыздар” китебин белекке тартуулады.

                   Алишер ТОКСОНБАЕВ, өз кабарчы