2,062 Бардыгы /

         ОШ. Ош технологиялык университетинде окуп жатышкан студент кыздар арасында «ОшТУ периси-2019» сулуулар сынагы Ош шаарындагы «Кыргызстан» кинотеатрында өткөрүлдү. Бул иш-чараны аталган университеттин тарбия иштери жана социалдык өнүктүрүү департаменти менен жаштар иштери боюнча комитети уюштурду.

Аталган иш-чарага жалпы эле
Ош шаарынын тургундары, сынакка катышкандардын ата–энелери, окутуучулар жана студенттер дагы туруктуу күбө болушуп, а түгүл өз талапкерлерин кол чаап кубаттап турушту. Таймашта жалпысынан беш катышуучу ат салышып, калыстар тобунун түрдүү сынагына кабылышты. Жыйынтыгында биринчи орунду ОшТУнун архитектура жана курулуш факультетинин 1-курсунун студенти Айзат Сатимбекова ээледи. Ал эми экинчи орун табигый техникалык факультетинин 2-курсунун студенти Шырманай Айтматовага ыйгарылды. үчүнчү орунга Технологиялык колледждин 3-курсунун студенти Айзирек Жумабай кызы татыды.

Сулуулар сынагынын жеңүүчүлөрүнө жана катышуучуларына ОшТУ тарабынан «Арстанбаб» санаторийине үч күндүк эс алууга жолдомо, дипломдор жана баалуу белек-бечкектер тапшырылды.

                  Алишер ТОКСОНБАЕВ, өз кабарчы