1,318 Бардыгы /

БАТКЕН. Баткен шаарында өткөрүлгөн республикалык конференцияда балдарды заман талабына жараша эрте өнүктүрүү, мектепке даярдыгын туура калыптандыруу, инновациялык ыкмаларды колдонуу аркылуу окутуу жана балдардын калыптануу мезгилин туура пайдалануу өңүтү абдан кызуу талкууланды.

Адистердин баамында, үч жашка чейинки  балдардын ар тараптуу өнүгүүсүндө үй-бүлө,коом жана атаэне абдан чоң роль ойнойт. Ошондуктан, Баткен облусунун бардык билим берүү мекемелеринде “Энелер мектеби”,”480 сааттык окуу программасы” “Бирге окуйбуз!” долбоору, китепканалар базасында “Өнүктүрүү борборлору” такай иштеп келатат. Өлкө башчысы  Сооронбай Жээнбековдун “Аймактарды өнүктүрүү жана өлкөнү  санариптештирүү”жылы деп жарыяло жөнүндөгү жарлыгын ишке ашыруу максатында өткөн бул иш чарага, өлкөнүн бардык аймактарынан билим берүү кызматкерлери активдүү катышты.

Конференцияга катышкан Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров: – Мындан 15-20 жыл мурунку абалга салыштырмалуу аймактарда билим берүү жаатынд жылыштар бар. Бирок, дыгеле  жетиштүү эмес! Баткен облусунд мектеп жашына чейинки курактагы балдардын 40пайыздан ашууну бала бакчага тартылганы жакшы жылыш. Тилекке каршы, бул көрсөткүчтү жакынкы аралыктарда эки эсеге көбөйтүү милдети алдыбызда турат. Албетте, бул багытта бейөкмөт уюмдардын жана жеке ишкерлердиндагы салымы зор! – деди.

Белгилей кечү жагдай: Баткенде 159 бала бакча иштеп, анда жалпы жонунан 20 миңден ашуун бала тарбияланат.

         Алишер ТОКСОНБАЕВ, өз кабарчы