3,690 Бардыгы /

Өзгөн шаарынын мэринин орду кыйладан бери бопбош турган. Акырында Борбордук Шайлоо комиссиясы шайлоо дайындап, жалгыз орунга Рахман Атаджанов менен Муктаржон Халматов катуу ат салышышты.

Ош облусундагы эн ири Өзгөн шаарынын буга чейинки мэрии Саипжан Пратов өзүнүн арызына ылайык кызматынан бошотулган эле. Андыктан, калаанын жаны жетекчисин шайлоого Өзгөн шаардык Кенешинин 31 депутаты тен катышышты. Алар адегенде мэркызматына талапкерлер Рахман Атаджанов менен Муктаржан Халматовдун План-Программаларын абдан катуу тындашты.

Жыйынтыгында талапкерлерге алмак-салмак добуштар ташталып,натыйжада Муктаржон Халматов16 добушка, ал эми Рахман Атаджанов 15 добушка татыды.

                   – Аймактык шайлоо комиссиясы Муктаржон  Халматовду Өзгөн шаарынын мэрлигине шайланды деп эсептейт. Эми бүгүнкү добуш берүүнүн жыйынтыгын Борбордук шайлоо комиссиясы гана бекиткенден кийин, Муктаржон Халматовду премьер-министр Мухамедкалый Абылгазиев мэрликке биротоло бекитмекчи, – деп кошумчалады Өзгөн аймактык шайлоо комиссиясынын төрагасы Калыбек Акыбаев.

  Бирок, жергиликтүү серепчилер элеттик дарыгердин Өзгөн шаарынын мэрлигине шайланышын жеткен жанылыштык сынары сапаттап жатышат.

  – Бир күн дагы аткаруу бийлигин, же муниципалдык кызматты аркалабаган киши кантип Ош облусундагы эн чон шаарды башкарат, эй? Баса, укук коргоо органдары, айрыкча Прокуратура Муктаржон Халматовду бул кызматка көрсөтүп жатышкандардын жана талапкерлерди каттаган Өзгөн Аймактык Шайлоо комиссиясынын жоопкерчилигин дагы сөзсүз чукул арада кылдат караштырыш керек! Элибиз бекеринен айтпайт эй, «Тоокту сойсо дагы, касапчы-адис сойгону оң!» Анткени, бул калпыс адат башкаларга сөзсүз сабак болушу кажет! Болбосо, мындай жаман жышаан тим койсо Кыргызстанда мындан ары дагыле улана берет. Анын азабын акыры карапайым эл гана тартат! – деп абдан чырылдады жергиликтүү серепчи Төлөгөн Келдибаев.

Баса, кабарчы менен курган тунгуч маегинде Өзгөн шаарынын жаны мэри Муктаржон Халматов буларды катуу убада кылды: – Адегенде калаабыздагы социалдык олуттуу көйгөйлөрдү чекесинен чечкенге катуу аракет кыламын. Буга улай медицина жана агартуу кызматкерлерин турак жай менен камсыздоого дагы өзгөчө көнүл бурамын. Аман турсак, Өзгөндү кыска аралыкта Ош облусундагы эн гүлдөгөн шаарга айлантабыз!

МААЛЫМАТ ИРЕТИНДЕ

 Муктаржон Маматжанович Халматов 1966-жылы 18-сентябрда туулган. Жогорку билимдүү. И.К.Ахунбаев атындагы Кыргыз Мамлекеттик медицина институтун 1992-жылы аяктаган. Буга дейре Өзгөн шаарындагы №2-үй-бүлөлүк дарыгерлер тобун жетектеген. 27 жылдык дарыгерлик эмгек стажы бар.

         Алишер ТОКСОНБАЕВ, өз кабарчы