1,577 Бардыгы /

МЮНХЕН. ГФРдин Мюнхен шаарында өткөн  Кыргыз-Герман бизнес форумунда бир миллиард еврого тете келишим түзүлдү. Бул жөнүндө Кыргыз Республикасынын Президенти Сооронбай Жээнбеков Германия Федеративдүү Республикасынын Федералдык канцлери Ангела Меркель менен жолугушуудан кийин журналисттерге жар салды.

Президент Сооронбай Жээнбеков Кыргызстан менен Германиянын ортосундагы кызматташтыктын келечектүү багыттарына —соода-экономикалык, өнөр жайы, гидроэнергетика,жашылэкономиканы өнүктүрүү, айыл чарба жана туризм кирээрин, Кыргызстан үчүн Германиянын инвестицияларын үстөккө-босток  тартуу, чакан жана орто ишкердикти түзүү жана айыл чарбада кызматташуу дагы өтө актуалдуу экендигин баса белгиледи. Кыргыз-Герман парламенттер аралык кызматташууну активдештирүү, маданий-гуманитардык жаатта, билимберүү жана илим тармагында мындан арыдагы тыгыз кызматташууга өзгөчө көңүл бурулат.

-Бул багыт Кыргызстандын келечеги үчүн жакшы инвестиция болот деп бекем ишенем! Албетте, Кыргызстандын Европа Биримдиги менен кызматташуу маселеси дагыле күн тартибинде турат. 2019-жылы Европа Биримдигинин Борбор Азия боюнча жаңы Стратегиясын кабыл алуусу күтүлөт. Кыргызстан менен Европа Биримдигинин кеңейтилген өнөктөштүк жана кызматташтыкбоюнча жаңы Келишимге кол коюусу пландалып жатат. Германия тарапка бизге көрсөткөн меймандостугу үчүн терең ыраазычылык гана билдирем. Кыргыз Республикасы менен Германия Федеративдүү Республикасынын тыгыз кызматташтыгы мындан ары жагы ого бетер бекемделет жана ыкчам өнүгөт деп үмүттөнөм! —деп кебин жыйынтыктады Кыргыз Президенти СооронбайЖээнбеков.

         Алишер ТОКСОНБАЕВ, өз кабарчы