ТАШ-КѲМҮРДѲ КҮЧ ТҮЗҮМДѲРҮ АРАСЫНДА СПОРТТУК ТАЙМАШ ѲТКѲРҮЛДҮ

1,667 Бардыгы /

Улуу Ата-Мекендик согуштун 74 жылдыгына карата жер-жерлерде түрдүү иш-чаралар ѳткѳрүлүүдѳ. Алардын катарында Таш-Кѳмүр ШИИБнин демилгеси менен күч түзүмдѳрү арасында “Биримдик, ынтымак, достук үчүн” спорттук иш-чарасы болуп ѳттү.

Салтанаттын ачылуу аземинде Таш-Көмүр шаарынын вице-мэри Айнакан Темирбаева, Таш-Көмүр шаардык кеңешинин төрагасы Сулайман Сансызбаев жана Таш-Көмүр ШИИБнин начальниги, милициянын подполковниги Азен Козукеев сѳз сүйлѳп, 5-май Кыргыз Республикасынын Конституция күнү жана 9-май Жеңиш майрамы менен куттукташты. Азен Козукеев ѳз сѳзүндѳ бул спорттук иш-чаранын негизги максаты достук мамилени чыңдоо, дени сак жашоо образына чакыруу экенин баса белгиледи.

Спорттук таймашка КР Өзгөчө Кырдаалдар Министрлигине караштуу Таш-Көмүр шаарынын “Өзүнчө куткаруу” аскер бөлүгү (МЧС), КР Ички Иштер Министрлигине караштуу Шамалдуу-Сай шаарчасында жайгашкан “Ички аскерлер бөлүгү” (ВВ) Аксы РИИБнин жана Таш-Көмүр ШИИБнин өздүк курамы жана жаштар комитетинин командасы да катышты.

Мелдеш спорттун беш түрү боюнча ѳткѳрүлдү. Алар:

– Футбол;

– Волейбол;

– кол күрѳш;

– аркан тартыш;

– 24 кг. салмактагы гираны кѳтѳрүү.

Иш-чара жогорку деңгээлде уюштурулуп, жалпысынан 100гѳ чукул спортчулар катышып, анын жыйынтыгында футболдо 1-орунду Таш-Көмүр ШИИБнин командасы алса, волейболдо биринчиликти Таш-Көмүр шаарынын “Өзүнчө куткаруу” аскердик бөлүгү (МЧС) багындырды. Аркан тартышта болсо Таш-Көмүр шаарынын 1991-жылы туулган жаштары күчтүүлүгүн кѳрсѳтѳ алышты.

Ал эми калган спорттун түрлѳрү боюнча жеңүүчүлѳр, күч түзүмдөрүнүн катышуучулары Таш-Көмүр ШИИБи тарабынан даярдалган медаль, кубок жана баалуу белектер менен сыйланышты.