2,434 Бардыгы /

      Аксы районунан Улуу Ата Мекендик согушка 3791 адам согушка кеткен болсо алардан 2101 адам аман кайтып жениш менен келген.Учурда райондо 3 гана согуштун катышуучусу калды. Булар дайыма элдин камкордугунда болушуп, президенттин эсебинен 20 мин сомдон алышты.

Аксы районунун акими Ыманберди Досбаев Жерге-Тал жана Авлетим айыл аймактарында болуп, Улуу Ата Мекендик согуштун ардагерлеринен кабар алып, аларга президенттин,  губернатордун жана өзүнүн  атынан белектерди  тапшырып,  турмуш шарты менен таанышты. 

Аксы райондук Аскер комиссариатынын комиссары да согуштагы көрсөткөн каармандыгы үчүн медалы менен башкы командачынын  атынан  сыйлады.

Улуу Ата Мекендик согуштун ардагери үчүн  ок аралап, кан кечкен күндөрүн эстеш   оор  дейт ардагердин  кызы. 

Ардагерлердин жашы 96-97 жаштарда барып калышты.  Жерге-Тал айыл аймагында Улуу Ата Мекендик согуштун 2 катышуучусу  көзү тирүү турганы айыл элинин сыймыгы. 

 Балтабай  Базылбеков   ата  согуштан  кийин да эл үчүн  эмгектенип, учурда ардактуу эс алууда.  Авлетим айыл аймагынын тургуну  Момунов Абаз аке айыл аймагындагы жалгыз ардагер катары сый урматтын кучагында.

Ардегердин бир көчөгө ысмын беришип анын ачылуу аземи болду. Жашы жүзгө аяк басып калган бул карыяны салтанатка келгендер куттуктап белектерди тапшырышты. Кубанычы чексиз болгон карыя ак батасын берип, жакшы тилектерин айтты.  Улуу Ата Мекендик согуш убагындагы ар бир адам биз үчүн ыйык, анткени дал ошол адамдардын күжүрмөн эмгеги менен эрдиктеринин  натйжасында биз ушул күндөргө жетип олтурабыз. 

Абдымомун Калбаев, Аксы  району.