2,082 Бардыгы /

Улуу Ата Мекендик согуштун 74 жылдыгына карата жер-жерлерде согуш ардагерлерине куттуктоо сѳздѳрү айтылып, материалдык колдоолор кѳрсѳтүлүүдѳ. Алардын катарында маркум, согуштун ардагери Жолборсалы Жумабаевдин жубайы, Баархан Жумабаевага Жалал-Абад ШИИБи тарабынан атайын белектер тапшырылды.

Маркум согуш ардагеринин калкына калтырган тынчтык заманы үчүн алкыштар айтылды. Ушундай эле белектер Жалал-Абад шаарынын тургуну оруктун ардагери М. Таджиходжаевага да берилди. М. Таджиходжаева ѳмүрлүк жолдошунун каза болгонуна карабастан ага келишип, куттуктоо сѳздѳрүн айтып, белек берип, майрамдын алдында кубантып турган милиция кызматкерлерине ыраазычылыгын билдирди.

Бул багыттагы иш-чаралар Ноокен РИИБнин милиция кызматкерлери тарабынан да уюштурулуп, согуштун жана оруктун ардагерлерине белектер тапшырылды. Ѳз учурунда ардагерлер аларды унутпай, кѳрсѳтүлүп жаткан колдоолорго ыраазычылыгын билдиришип, милициянын ишинде дайыма ийгиликтер болуп, элибиз үчүн чын дилден кызмат кыла беришин тилек кылып, ак батасын беришти.

Жалал-Абад ОИИБнын басма сѳз кызматы