1,347 Бардыгы /

ИСЛАМАБАД. Исламабад шаарындагы Кыргызстандын элчилиги Пакистандын бизнес-өкүлчүлүктөрү үчүн “ШКУ: кызматташтыктын көлөмүн көбөйтүү” темасында атайын брифинг уюштурду. Бул иш-чарага «Habib Syndicates», «Fauji Fertilizer company Ltd», «Mongol Leather», «Al Addan Traders», «Pak Caspian» жана башка компаниялардын өкүлдөрү активдүү катышышты.

Брифинг маалында Кыргызстандын Пакистандагы Элчиси Э. Бейшембиев Пакистан тарабына бул жылдын Кыргызстандын Шанхай Кызматташтык Уюмунунда төрагалыгы боюнча жана ШКУнун алкагында негизги иш-чаралары  жөнүндө кең-кесири маалымат берди. Ошондой эле ШКУнун алкагында өтө турган бизнес-форуму жөнүндө дагы кыскача баян этти.

Кыргыз Элчиси Э. Бейшембиев Пакистандын бизнес-өкүлчүлүктөрүнө Кыргызстандын экспорттук жана салык дарамети туурасында кеңири маалымат берип, ошондой эле ар түрдүү чөйрөлөрдө эки өлкөнүн бизнес-жамааттардын ортосундагы кызматташтыгы үчүн зор мүмкүнчүлүктөр  жаралгандыгын баса белгиледи.

Алишер ТОКСОНБАЕВ, өз кабарчы