883 Бардыгы /

БИШКЕК. Кыргыз Чекара кызматынын уюшулгандыгынын жыйырма жылдыгынын урматына өлкөнүн күч органдарынын спортсмендери кол күрөшү боюнча Эл аралык мелдеш өткөрүп жатышат. Эл аралык тунирге 150 спортсмен, мунун ичинде эл аралык он спорт чебери, Кыргыз спортунун 50 чебери, ошондой эле өлкөнүн спорт чеберлигине 60 талапкер катышып жатышат.

– Бул турнир Чекара кызматынын түптөлгөндүгүнүн жыйырма жылдыгына арналды. Ага эң күчтүү спортсмендер гана катышып жатышат. Анткени, анын акырында жеңгендерге Орусияда өтчү Дүйнөлүк чемпионатка катышканга жолдомолор ыйгарылат, – деди Кыргыз Чекара кызматынын аскердик даярдык башкармалыгынын улук офицери, полковник Нурлан Кушбаков.

Ошентип, кол күрөшү боюнча Эл аралык мелдештин жеңүүчүлөрү ушул жылдын 30-майында жана 2-июнунда Орусиянын Санкт-Петербург шаарындагы Дүйнөлүк чеипионатка катышышат. Анда дагы уткандар Азиянын чепионатына жолдомо алышат.

Алишер ТОКСОНБАЕВ, өз кабарчы