БУУнун ЭЛ АРАЛЫК СОТУ УКРАИНАНЫН ОРУСИЯГА КАРАТА ДООСУН КАРАЙ БАШТАДЫ

ЖАРЫЯ-ЖАРНАК / РЕКЛАМА

ticket title: ЖАРЫЯ С.Атабеков айыл өкмөтү; ЖАРЫЯ Атабеков айыл өкмөтү; КОНКУРС С.Атабеков айыл өкмөтү; АУКЦИОН С.Атабеков айыл өкмөтү; АУКЦИОН С.Атабеков айыл өкмөтү; Аукцион С.Атабеков айыл өкмөтү; СУЗАК КАРЫЛАР ҮЙҮ ИШКЕ ЧАКЫРАТ; Аукцион С.АТАБЕКОВ АЙЫЛ ӨКМӨТҮ; КАБА ТОКОЙ ЧАРБАСЫ сынак жарыялайт; Сынак САЙДЫКУМ АЙЫЛ ӨКМӨТҮ; СООДА-САТЫК 2 (20.8.2024-ж.); СООДА-САТЫК (20.08.2024-ж.); СЫНАК Орток токой чарбасы; Соода-сатык (02.04.2024-ж.); Объявляет тендер на оказание услуг; Аукцион АТАБЕКОВ АЙЫЛ ӨКМӨТҮ; СООДА-САТЫК (27.02.2024-ж.); Аукцион БЕШИК-ЖОН АЙЫЛ ӨКМӨТҮ; Сынак АРСТАНБАП АЙЫЛ ӨКМӨТҮ

БУУнун ЭЛ АРАЛЫК СОТУ УКРАИНАНЫН ОРУСИЯГА КАРАТА ДООСУН КАРАЙ БАШТАДЫ

03.06.2019 / Автор anarkan_kg

1,963 Бардыгы /

БУУнун Гаагадагы эл аралык соту 3-июнда “Украина Орусияга каршы” ишин карап баштайт. Соттук угуулар 7-июнга чейин өтөт. Украина Орусияны терроризмди каржылоого жана Терроризмди каржылоого каршы күрөшүү жөнүндө эл аралык конвенцияны бузууга айыптоодо.

Сотко кайрылууну 2017-жылы ал кездеги президент Петр Порошенко тапшырган.

Украина тышкы иштер министринин евроинтеграция маселелери боюнча орун басары Елена Зеркаль сот алгач Орусиянын жүйөлөрүн угарын билдирди. Москва Гаага соту бул маселеде юрисдикцияга ээ эмес экенин айтууда. Украин делегациясы ТИМ, Украина Коопсуздук кызматы, МН17 учагынын атып түшүрүлүшүн жана Мариуполь, Краматорск, Волноваха шаарларындагы террордук актыларды иликтеген топтордун өкүлдөрүнөн турат.

Министрдин орун басары “Орусия өз укугунан пайдаланып, ишти кароону жылдыруу үчүн бардык аракетин жасады”, – деди.

Анын айтымында, Украина бир жыл мурун эле сотко 17500 барактан турган материалдарды сунуштаган, алардын бир бөлүгү 3-июнда соттун сайтында жарыяланды.

Май айында Орусия БУУнун Деңиз укугу боюнча эл аралык трибуналында Украинага утулуп калган. Сот Орусияны 2018-жылы Керч кысыгында кармалган 24 морякты бошотууга жана барымтага алынган үч кемени Украинага кайтарып берүүгө милдеттендирген.

www.