Аймак

КРИСТИАН ЛАССЛЕТ: ТАШКЕНТ МЭРИ ӨЗБЕКСТАНДА ИШ АЛЫП БАРГАН 67 КОМПАНИЯ МЕНЕН БАЙЛАНЫШТА

КРИСТИАН ЛАССЛЕТ: ТАШКЕНТ МЭРИ ӨЗБЕКСТАНДА ИШ АЛЫП БАРГАН 67 КОМПАНИЯ МЕНЕН БАЙЛАНЫШТА

 1,365 Бардыгы /

Борбор Азия жана Европа өлкөлөрүндөгү коррупция жана клептократия жөнүндөгү китептердин автору Кристиан Ласслет Өзбекстанда бизнес жүргүзүү тажрыйбасы Ислам Каримовдун тушунан кандай айырмаланары жөнүндө иликтөөсүн жарыялады.

Иликтөө Ташкент шаарынын мэри Жахонгир Артыкходжаевдин бизнес-империясынын негизинде жүргүзүлдү. Кристиан Ласслет мамлекет менен жеке сектордун кызыкчылыктары кагылышкан учурда азыркы өкмөт кандай иш алып баратканына баа берген.

Ласслет өз иликтөөсүндө Tashkent City мега-долбоорун мисал келтирген. “Бул долбоор 1,3 миллиард долларга бааланган. Өзбекстан тарыхында мындай кымбат курулуш болгон эмес. Башында Артыкходжаевдин Akfa Group компаниясы байкалган эмес, сегиз лоттун биринин гана инвестору болуп көрүнгөн. Бирок кийинчерээк кылдат иликтеп баштаганда, Akfa-Artel дагы үч лоттун, башкача айтканда негизги төрт лоттун инвестору экени белгилүү болду”, – деген Кристиан Ласслет.

Документтерди иликтөө учурунда Өзбекстанда катталган 67 компаниянын Akfa-Artel тобу менен байланышы бар экени аныкталган:

– Аброр Ганиев Akfa тобунун төрагасы, Исмаил Исраилов – компаниянын менеджери. Жахонгир Артыкходжаевдин компаниясын башкарган кишилер бир эле учурда ондогон компаниялардын акцияларына ээ. Биз Ганиев менен Исраиловго кат жөнөтүп, алар акциялардын чыныгы ээлериби же келишимдин негизинде иш алып барышабы деп сурадык. Бирок жооп ала алган жокпуз. Бул компаниялар чыныгы ээлерин жашыруу үчүн оффшордук схемаларды колдонушат. Буга чейин Өзбекстанда ири компаниялардын ээлерин кантип жашырышканын көрдүк. Ал компаниялар бийлик башындагы таасирдүү кишилерге таандык болгону ачыкка чыкты. Алар кызмат абалынан пайдаланышып, өз элинин, мамлекетинин байлыгын тоношкон. Ошондуктан Мирзиёевдин өкмөтү мындай жаман тажрыйбадан канчалык деңгээлде оолак турарын билгибиз келет. Эгер азыркы бийлик Гүлнара Каримованын жолун жолдосо, эртең аларды эле эмес, Өзбекстан экономикасын кыйроо күтүп турат.

Кристиан Ласслет – британиялык Ulster университетинин профессору. Ал мамлекет менен жеке сектордун кызыкчылыктарынын кагылышын иликтейт. Шавкат Мирзиёев бийликке келгенден бери Өзбекстандын бизнес чөйрөсүндөгү абалынын өзгөрүшүнө көз салууда.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17