5,626 Бардыгы /

Илгертеден бери Кыргыз калкы улуттук «Көк -Бөрү» оюнун даңазалап, балдарды жаш кезинен ат жалында ойноп шамдагай, таш булчуңдуу балбан, эр жүрөк баатыр болгонго тарбиялап келген. «Көк -Бөрү» оюну азыркы кезде өлкөбүздө гана эмес, дүйнө жүзүндө улуттук спорттук оюн катары өнүгүп жаткан кези. Моюнга алыш керек областтын «Көк-Бөрү» улуттук спорттук оюну командалардын балбандарынан беш-бештен болуп эрежелерин так сактоо менен өткөрүлүүгө караганда аламан улакка артыкчылык берилет. Бул оюнду КР Өкмөтүнүн Жалал-Абад областы боюнча ыйгарымдуу өкүлү Ж.Төрөмаматов да колдоого алып, “Алтын кыш” деп аталган программасына киргизген.
«Аймак” газетасы чыккан кезинен баштап мына ушул “Көк-Бөрү”, аламан улак оюндарына маани берип мүмкүн болушунча чагылдырып келет. +ткөн жылы мына ушул улакчылардын арасында сынак жарыялаган эле. “Аймак” газетасы областтык “Көк-Бөрү” федерациясы менен биргеликте мына ушул сынакты жыйынтыктап алардын башын кошуп, “Тагай бий” кафесинде атайын иш-чара өткөрдү. Улуу муундарга, устаттарга Жалал-Абад областы боюнча “ “Ардагер-чабандес-улакчы”, ал эми учурда намыска жарап мыкты чеберчилигин көрсөтүп жаткандарга “Ардактуу чабандес-улакчы” деген наам менен сыйланды . “Аймак” газетасынын башкы редактору Орозалы Карасартов алардын бул наамы эл аркылуу берилгенин айтып, кылымдардан бери келе жаткан кыргыз элинин чапчаң, шамдагай, ат жалында кошо өскөн эл экендигин, ар бир айыл, өрөөн өзүнүн мыкты улакчылары, палвандары менен сыймыктанаарын айтып, таалим-тарбиясы да зор экендигин белгиледи.
Эргеш, Бекибай, Кененбай, Кочон сыяктуу ардагер палван, чабандес-улакчылардын жолун алардын балдары, жаштар улап жаткандыгын айтып, ошол палвандардын өмүр жолу, окуялары, таптаган аттары жана алар аркылуу жетишкен ийгиликтери тууралуу үзгүлтүксүз жарыялай тургандыгын билдирди.
-Биз бул жолу улакчыларга көбүрөөк маани бердик, бирок алардын көбүн эл палван катары таанышат жана “палван” деп аташат, ошондуктан кечирим сурайбыз,-деди Орозалы Карасартов. Ал эми палвандар жөнүндө материалдарды жазуу, алардын мыктыларын аныктоо ушул жылдын аягында аныкталып, атайын иш-чара өткөрөбүз- деп кошумчалады.
Иш-чарада кемчиликтер да бар экенин, айрым улакчылар “Көк Бөрү” федерациясы тарабынан аты чыга элек улакчылар сунушталып калганы айтылды.
Улакчылар да ыраазылыгын билдирип “Аймак” газетасын жана “Aymak.kg” сайты менен кызматташа турганын айтышты.
“Аймак” гезити сынакты аныктого жана иш-чараны өкөрүүгө колдоо көрсөткөн “Көк-Бөрү” федерациясынын президенти Б.Ибрагимовго жана вице-президенти Т.Акамбаевге да ыраазылыгын айтты.

Санрабия Сатыбалдыева “Аймак” .