1,164 Бардыгы /

Адам укуктарын коргоо тармагында иш алып барган эл аралык уюмдар Европа реконструкция жана өнүгүү банкына кайрылып, Түркмөнстанга колдоо көрсөтпөөгө үндөштү.

“Хьюман Райтс Вотч” (HRW), ”Адам укуктары боюнча эл аралык өнөктөштүк” (IPHR) жана “Адам укуктары боюнча түркмөн демилгеси” (ТИПЧ) уюмдарынын биргелешкен билдирүүсүндө адам укуктары тармагында чындап жылыш болгонго чейин мамлекеттик секторлорго насыя берүүнү чектөөнү суранышкан.

“Адам укуктары боюнча түркмөн демилгеси” уюмунун жетекчиси Фарид Тухбатуллиндин айтымында, Европа банкы өлкөдө ишкерлерге кысым көрсөтүлүп жатканына көңүл бурушу керек:

– Бизнесмендердин байлыгын, дүкөндөрүн, үйлөрүн тартып алып жатышат. Ашхабадда жашап же иштемек тургай, өз автоунааң менен ээн-эркин келе албайсың.

Бир нече жылдан бери түркмөн ишкерлери бизнес жүргүзүүдө, анын ичинде валюта конвертациялоодо тоскоолдуктарга кабылышууда. Акыркы айларда өлкөдө жеке ишканалар жана кеңселер жапырт түрдө жабылууда.

Тухбатуллиндин билдиришинче, азыркы кайрылуунун максаты – эл аралык уюмдарды Түркмөнстандагы адам укуктарынын көйгөйлөрүнө көңүл бурдуруу.

www.