728 Бардыгы /

Борбор Азиядагы бир нече өлкө Евробиримдиктеги Шенген келишими сыяктуу “Жибек жолу визасын” (Silk Road Visa) киргизүү идеасын талкуулашууда.

Бул маселе 10-июлда Самаркандда өткөн КМШ өлкөлөрүнүн Туризм боюнча кеңешинин жыйынында каралды. “Азия шенгенин” Тажикстандын туристтик компаниялары колдоду.

Жергиликтүү турфирмалардын билдиришинче, Тажикстанга келүүнү каалаган туристтердин 80% ашыгы аймактагы башка өлкөлөрдү да кыдыра кетүү шартын сурашат. Бирок жооп көпчүлүктү канааттандырбайт. Себеби Борбор Азиянын ар бир өлкөсүнө өз-өзүнчө виза ачтыруу керек.

Туризм тармагындагы эксперттердин пикиринде, жакынкы эки жылда Silk Road Visa Тажикстанга келген туристтердин агымын эки эсе көбөйтүүгө жардам берет. Турфирмалар пакеттерин кеңейтип, бир нече өлкөгө комплекстүү турларды уюштура алышат.

www.