1,374 Бардыгы /

2-сентябрда өлкөбүздүн бардык аймактарында билим уялары өз эшиктерин ачты. Бул күнү Тогуз-Торо районунда 2 кабаттан турган 2 заманбап мектептердин ачылыш аземдери болуп өттү. Бул тууралуу Жалал-Абад ОИИБдин басма сөз кызматы маалымдады.

Маалыматка ылайык, мектептин бири Атай айылында жайгашып 125 орундуу болсо, экинчиси Сары-Булуң айылына курулуп 245 окуучуга ылайыкташтырылган. Келечек муундун шарты бар билим уясында сапаттуу билим алуусун максат кылган ачылыш аземге район акими А.Кожошев, Тогуз-Торо РИИБдин начальниги милициянын майору Т.Сабырканов жана жергиликтүү бийлик өкүлдөрү катышышты.

Салтанаттуу майрамдык иш-чарада Тогуз-Торо РИИБи тарабынан жаңы пайдаланууга берилген мектептерге атайын белектер тапшырылып, 80 окуучуга ылайыкташкан окуу куралдары берилди.

“Аймак”