1,709 Бардыгы /

Достук айыл аймагында “Аймактарды өнүктүрүү – өлкөнү өнүктүрүүнүн негизги багыты” аттуу республикалык семинар – кеңешме өттү. Бул тууралуу Ноокен райондук администрациянан билдиришти.

Семинар – кеңешмеге Ысык-Көл, Нарын, Чүй, Талас, Ош, Баткен жана Жалал-Абад облустарындагы айыл өкмөт башчылары, кызматкерлери келишти.

КР Өкмөттүн Жалал-Абад областындагы ыйгарым укуктуу өкүлү Кыянбек Сатыбалдиев, Ноокен райондук мамлекеттик администрация башчысы – аким Эркинбек Маматаев, Достук айыл өкмөтүнүн айылдык кеңешинин депутаттары, айыл тургундары катышышты.

Семинарга келгендер Достук айыл өкмөтүндө жүргүзүлгөн иштер менен таанышты. Айыл өкмөттө  ички жолдор оңдолуп, бала бакчалар капиталдык оңдоп-түзөөдөн өткөн.

Белгилей кетсек, 2018-жыл Региондорду өнүктүрүү жылына карата “Эң мыкты айыл өкмөтү” наамына жалпы мамлекеттик сынактын жеңүүчүсү Достук айыл өкмөтү болгон. анын негизинде семинар-кеңешме өтүлдү.

“Аймак”