753 Бардыгы /

Эл аралык журналисттерди коргоо комитети (Committee to Protect Journalists, CPJ) украин бийлигин журналист Георгий Гонгадзенин өлүмү боюнча өмүр бою эркинен ажыратылган милициянын мурдагы генералы Алексей Пукачтын жазасын жеңилдетпөөгө чакырды.

Украина Ички иштер министрлигинин мурдагы бөлүм башчысы Алексей Пукач 2013-жылы журналист Георгий Гонгадзенин өлүмүнө күнөөлүү деп табылып, өмүр бою эркинен ажыратылган. Журналист 2000-жылы сентябрда дайынсыз жоголуп, эки айдан кийин сөөгү Киев облусундагы Тараща шаарына жакын жерде табылган.

Акыркы алты жылдан бери Пукач өзүнө карата чыгарылган өмүр бою эркинен ажыратуу өкүмү боюнча даттанып келет. Анын кассациялык арызы боюнча кийинки угуу Жогорку сотто 9-октябрга белгиленген.

«Гонгадзе өлтүрүлгөндөн жыйырма жыл өткөндөн кийин күнөөсүн мойнуна алган кылмышкер эркиндикке чыгышы мүмкүн деген кооптонуулар бар. Украин бийлиги журналистти өлтүргөн адамды жазадан бошотууга жол бербеши зарыл. Анын ошол кездеги жетекчилиги дагы жоопко тартылышы керек», — деди комитеттин Европа жана Борбор Азия боюнча координатору Гульноза Саид.

Пукач буга чейинки көрсөтмөлөрүндө жогорку жактан, негизинен өлкөнүн мурдагы ички иштер министри Юрий Кравченкодон буйрук алып турганын айткан.

www.