3,106 Бардыгы /

Таш-Көмүр ШИИБи тарабынан “Салам мектеп” аталышындагы алдын алуу иш-чарасы өткөрүлдү. Бул тууралуу Жалал-Абад ОИИБдин басма сөз кызматы маалымдады.

Маалыматка ылайык, шаар аймагы 6 зонага бөлүнүп, ар бир аймак боюнча бекитилген жооптуу жетекчилердин көзөмөлүндө иш алып барылды. Түшүндүрүү иштерине социалдык коргоо, билим берүү, саламаттыкты сактоо бөлүмүнүн кызматкерлери да катышышты. Иш-чаранын негизги максаты өспүрүмдөр арасындагы кылмыштуулуктун алдын алуу жана жол эрежелерин сактоодо мектеп окуучуларына түшүндүрүү иштерин жүргүзүү болуп саналат. Мындан сырткары жашоо шарты кризистик абалда болгон, кайырчылык кылган, спирт ичимдиктерин ичкен, тамеки тарткан, баңги затын колдонгон, мектепте окубай соода түйүндөрүндө эмгектенген жаш өспүрүмдөрдү аныктоо боюнча иштер жүргүзүлдү.

“Аймак”