1,194 Бардыгы /

«Жалалабатэлектро» ААКнын башкы директору болуп Рахманов Дурусбек Ашимович дайындалды. Бул тууралуу аталган мекеменин пресс-кызматы кабарлады.
Директорлор кеңешинин чечими менен «Жалалабатэлектро» ачык акционердик коомунун башкы директору болуп Рахманов Дурусбек Ашимович, коммерциялык маселелер боюнча орун басарлыгына Джумабаев Мыктыбек Кубакович, экономика жана каржы боюнча орун басарлыгына Байсымаков Мирлан Маликжоомартович дайындалышты. Улуттук энергетикалык холдинг башкармалыгынын төрагасынын орун басары Бакыт Есенбаева жаңы дайындалган жетекчилерди компаниянын жамааты менен тааныштырды. Дурусбек Рахманов буга чейин Жалал-Абад район электр тармактарынын башчысы болуп иштеп жаткан. Кошумчалай кетсек, мурунку башкы директор Кеңешбек Маматканов жана орун басарлары мөөнөтү бүткөндүгүнө байланыштуу кызматтан кетишти.

“Аймак”