617 Бардыгы /

Укук коргоочулар Варшавада өтүп жаткан ЕККУнун адам укуктары боюнча жыйынында өлкө бийлиги түрмөлөрдө отургандардын дайынсыз жоголушун токтотуу боюнча өз милдеттенмелеринен баш тартып жатканын билдиришти.

«Аларды тирүү көрсөткүлө!» компаниясы эл аралык коомчулукту бул маселени чечүү үчүн Түркмөнстанга катуу басым көрсөтүүгө үндөдү.

Конференцияда сөз алган кампаниянын уюштуруучулары түркмөн түрмөлөрүндө дайынсыз жоголгондордун аягы тыйылбай жатканын айтышып, 2019-жылдагы курмандыктардын тизмесин көрсөтүштү:

– 2018-жылы ЕККУ, БУУ жана Европа биримдиги тарабынан эл аралык басым күчөгөн, натыйжада оң жыйынтыктар боло баштаган. Бирок 2018-жылдын сентябрь айынан тарта бул тенденция өзгөрдү: коомдук басымды жумшак дипломатиялык диалог алмаштырды. Буга байланышуу Түркмөнстан өз позициясын кайра бекемдеп алды.

Кампаниянын катышуучуларынын билдиришинче, Түркмөнстан былтыр түрмөлөрдө кишилердин дайынсыз жоголушу боюнча БУУнун жумуш тобу менен сүйлөшүүлөрдү токтоткон. Ашхабад суроолорду жоопсуз калтырып, бул көйгөйгө көңүл бурууну көңүл сыртында калтырган.

Түркмөнстанда саясий негизде соттолгон жүздөгөн кишилердин тагдыры тууралуу маалымат жок. 2019-жылдын сентябрь айына карата дайынсыз жоголгондордун саны 121 кишини түзөт.

www.