1,528 Бардыгы /

2019-жылдын 19-сентябрь күнү Таш-Көмүр  шаардык мэриясынын жетекчилигинде Таш-Көмүр шаардык ӨК бөлүмү жана шаардын Жарандык коргонуу кызматтары менен биргеликте бир күндүк иш чара болуп өттү. Бул тууралуу КР ӨКМдин Жалал-Абад облусу боюнча башкармалыгынын башчысы полковник А.Закиров маалымдады.

Маалыматка ылайык, “Кырсыктардын тобокелдигин азайтуу” 1 айлык иш-чарасынын алкагында, Жарандык коргонуу кызматтарынын, мекеме уюмдардын жана студенттердин катышуусунда бир күндүк иш чара уюштурулуп, жалпысынан 380ден ашуун жаран катышып, “Кырсыктардын тобокелдигин азайтуу биздин колубузда” аттуу урааны менен жөө жүрүш жасашкан.

Мындан сырткары өзгөчө кырдаалдардын алдын алуу жана кесепеттерин жоюу, өрт кырсыктарын алдын алуу боюнча практикалык иш-чара уюштурулуп, КР ӨКМдин Таш-Көмүр шаарында жайгашкан 2-өзүнчө издөө-куткаруу отрядынын куткаруучулары тарабынан тиешелүү кызматтар менен биргеликте жабырлануучуну бийиктиктен алып түшүү жана куткаруу иштери көрсөтүлдү. Куткаруучулардын кийинки иш аракети, акыркы жылдары жол кырсыктары көп катталып жаткандыгына байланыштуу, автоунаа кырсыгынын кесепетинен унаанын ичиндеги оор жаракат алган жүргүнчүнү куткаруу иштерин көрсөтүштү.

Шаардык мэриянын өкүлдөрү жана жергиликтүү жарандар тарабынан ЖК кызматтарынын ар биринин кызматтык техникалары, каражаттары кароодон өткөрүлүп, жарандар тараптан берилген суроолорго ӨК бөлүмүнүн кызматкерлери тарабынан жооптор берилип, иш-чаранын жыйынтыгында шаардык мэрия тарабынан активдүү катышкан жарандарга белектер берилди.

Аталган иш-чара белгиленген план-график боюнча облустун калган район-шаарларында да өткөрүлөт.

“Аймак”