2,990 Бардыгы /

23-сентябрь күнү Жалал-Абадда мамлекеттик тилдин мыйзамы кабыл алынганына 30 жылдыгы белгиленди. Ага шаар мэри Мураталы Тагаев, жергиликтүү бийлик өкүлдөрү жана шаар тургундары катышты.

Жалал-Абад шаарынын мэри Мураталы Тагаев өз сөзүндө тил майрамы куттуктады.
– Быйыл кыргыз тилинин мамлекеттик тил катары кабыл алганына туура 30 жылдын жүзү болду. Бул күндү белгилөө мамлекеттик мекемелерде, жогорку окуу жайларда жана мектептерде салтка айланган. Ата-бабаларыбыз сүйлөгөн, бизди улут катары айгинелеген кыргыз тилибиз кылымдарды карытып, бүгүнкү күнгө чейин жетип келди. Демек, улуу Кыргыз элинин эне тили бүгүнкү күндө да өзүнүн ордун жоготкон жок,- дейт М.Тагаев.

Аталган саамалыкта кыргыз тили даңазаланып, эне тили жөнүндө ырлар көркөм окулуп, катышуучулар тарабынан ыр бийлер аткарылды.

Иш-чарада буга чейин улуттар диаспораларынын өкүлдөрүнүн арасында өткөрүлгөн “Ыр кесе” кароо сынагы жыйынтыкталды. Анда биринчи орунга Өзбек маданий борборунун өкүлдөрү ээ болду.

Жалал-Абад аймактык башкармалыктары тарабынан улуттук оймо чиймелер түшүүлгөн кол өнөрчүлүктөрү көргөзмөгө колду

Мындан тышкары калаадагы мектеп жана жогорку окуу жайларынын алдыңкы кызматкерлерине, Кыргыз Республикасынын Кыргыз тили коомунун “Ыйык тили” төш белгиси менен сыйланышты.

Эске сала кетсек,  1989-жылдын 23-сентябрда “мамлекеттик тил жөнүндө” мыйзам кабыл алынган.

“Аймак”