1,018 Бардыгы /

БИШКЕК.  Кыргыз Республикасынын Президенти Сооронбай Жээнбеков Кыргыз-Түрк бизнес-форумуна катышты. Мамлекет башчысы адегенде Кыргызстан менен Түркиянын өз ара ишенимге негизделген өзгөчө мамилеси түзүлүп, мунун натыйжасында Кыргыз-Түрк соода-экономикалык мамилелери динамикалуу темпте өнүгүп жаткандыгын баса белгиледи.

Президент Сооронбай Жээнбеков тараптардын өлкөлөр ортосундагы соода жүгүртүүнүн көлөмүн 400 миллион доллардан бир миллиард долларга жеткирүү ниети бар экендигин  дагы баса белгиледи. Кыргыз-Түрк бизнес-форуму жыл сайын өткөрүлөт. 2018-жылы аталган бизнес-форум Түркиянын Президенти Режеп Тайип Эрдогандын Кыргызстанга расмий сапарынын алкагында уюшулган.

Бүтүн дүйнөгө таанымал «Шератон» мейманканасынын Кыргызстанда ачылып жатышына кеңири токтолгон Сооронбай Жээнбеков, бул өлкөбүздө туризмдин мындан ары ырааттуу өнүгүшүнө гана оң таасирин тийгизет деп катуу ишендирди.

Алишер ТОКСОНБАЕВ, өз кабарчы