1,170 Бардыгы /

Нью-Йоркто сот өзбекстандык Дилхаёт Касымовду «Ислам мамлекети» экстремисттик уюмунун жактоочуларын каржылоого айыптап, 30 жылга эркинен ажыратты.

Маалыматка караганда, Дилхаёт Касымов 2015-жылы дагы бир мекендеши менен бирге Жакынкы Чыгышта «Ислам мамлекети» тобунун катарында согушуу үчүн кетүүгө камынган казакстандык Ахрор Саидахметовго 1600 доллар чогултуп берген.

Саидахмедов 2015-жылы 25-февралда Нью-Йорктон Түркияга учуп кетер алдында кармалган. Тинтүү учурунда анын жанынан нак акча табылган. Сотто Дилхаёт Касымов Саидахмедовго жардам бергенин жана анын Сирияга кетүү пландарын билгенин мойнуна алган.

2017-жылы декабрда сот Бруклинде жашаган 22 жаштагы Ахрор Саидахмедовду «Ислам мамлекети» экстремисттик тобуна каржылай көмөк көрсөтүүгө аракет жасаган деп айтыптап, 15 жылга түрмөгө кескен.

Нью-Йорк прокуратурсы Саидахмедов жазасын өтөп бүткөн соң АКШдан чыгарыларын билдирди. 2017-жылы Ахрор Саидахмедов менен кошо кармалган дагы бир өзбекстандык Абдурасул Журабаев 15 жылга соттолгон.

www.