675 Бардыгы /

НЬЮ-ЙОРК. Борбор Азиядагы уран калдыктарын реабилитациялоо боюнча Трасттык фонддго финансылык колдоосу үчүн Кыргыз тарап Норвегия мамлекетине терең ыраазычылыгын билдирди. Бул максатта Нью-Йорк шаарында БУУнун Башкы Ассамблеясынын 74-сессиясынын алкагында Кыргыз Тышкы иштер министри Чыңгыз Айдарбеков Норвегия КоролдугунунТышкы иштер министри Ине Эриксен Серейде айым менен жолугушту.

Жолугушуу маалында Кыргыз Тышкы иштер министринин 2019-жылдын январында Норвегияга болгон расмий сапарынын жыйынтыгында жетишилген макулдашууларды ишке ашыруунун жүрүшүн, ошондой эле Эл аралык уюмдардын алкагында өз ара аракеттенүү маселелерин талкуулашты. Борбор Азиядагы уран калдыктарын реабилитациялоо боюнча Трасттык фонддго Норвегиянын финансылык колдоосу үчүн Кыргыз тарап ыраазычылык билдирди жан арадиациялык коопсуздук маселелеринде ийгиликтүү кызматташтыкты улантуунун маанилүүлүгүн дагы баса белгиледи.

Соңунда тараптар экономикалык өз ара аракеттенүүнү жана Норвегия базарына карата Кыргызстандын экспорттук мүмкүнчүлүктөрүн жогорулатууну күчөтүү маанилүүлүгүн дагы белгилешти. Бул максатта Кыргызстандан өндүрүлгөн товарлардын кеңири спектрин Норвегияга импорттоо боюнча Норвегия тарабы 2019-жылдан тартып атайын преференциялык макам ыйгарды.

Алишер ТОКСОНБАЕВ, өз кабарчы