621 Бардыгы /

9-октябрда “Өзенмунайгаз” акционердик коомуна тиешелүү “Кезби” компаниясынын жүздөн ашуун жумушчусу Жаңы-Өзөн шаарынын акимчилигинин алдына чогулду. Алар жетекчилик кесиптик кошуун түзүшкөнү үчүн куугунтукка алып жатканын айтышты.

Алардын билдиришинче, жетекчилик эч себепсиз жумушчуларды иштен бошотууда. Мунайчылар талашка шаар акими Максат Ибагаровдун кийлигишүүсүн талап кылышты. Бирок алар менен акимдин орун басары Галым Байжанов жолукту.

Аткаминер жумушчулардын арызы эмгек инспекциясына жиберилгенин, аны кароого 1-2 ай убакыт керек экенин айтты. Бирок мунайчылар бул убакыт ичинде жетекчилик аларды жумуштан бошотуп жибериши мүмкүн деп кооптонушууда.

Бир аз убакыт өткөн соң “Кезби” компаниясынын жетекчилиги да акимчиликке келди. Бирок тараптар бир пикирге келе алышкан жок. Сүйлөшүүлөрдөн кийин кенчилер президент Касым-Жомарт Токаевден жардам сурап, кайрылуу жолдошту.

“Кезби” компаниясынын жумушчуларынын кесиптик кошууну 2019-жылы 25-июлда түзүлгөн. Ал Жаңы-Өзөн шаарындагы “Ынтымак” кошуунунун катарына кошулган. Анда 600дөн ашуун жумушчу бар.

www.