Жолугушуунун жүрүшүндө лидерлер эки өлкө ортосундагы мамилелерди, Сирия менен Йемендеги абалды, ошондой эле терроризмге каршы күрөшүү маселелерин талкуулашты.

Путин Сауд Арабияга 14-октябрда барды. Кремлдин маалыматына караганда, сапардын алкагында Путин мунай боюнча келишимге кол коюуга жана Орусияга инвестиция тартууга аракет кылат. Батыш ЖМКлары белгилегендей, Москва экономикалык санкциялардан улам ички дүң өнүмүн 3% көтөрүү дымагын ишке ашыра албай калган.

Эр-Риядга сапары алдында Путин Al Arabiya, Sky News Arabia жана RT Arabic телеканалдарына интервью берип, Саудиянын падышасы жана канзаадасы менен жакшы мамиледе экенин билдирген.

Путиндин Бириккен Араб Эмираттарына сапары 15-октябрга белгиленген.