950 Бардыгы /

БАТКЕН. Сүлүктү шаарындагы шахтадагы бөөдө кырсыктан каза тапкандардын үй-бүлөсүнө жардам көрсөтүлдү. Бул жөнүндө Жогорку Кеңештин «Республика- Ата Журт» фракциясынын депутаты Таабалды Тиллаев кабарлады.

– Маркум шахтерлордун үй-бүлөлөрү менен жеринде жолугушуп, жеке өзүмдүн жана парламент төрагасынын атынан акчалай жардам бердик,– деп кошумчалады Жогорку Кеңеш депутаты Таабалды Тиллаев. – Мындан тышкары жергиликтүү бийлик органдарына кен казуучу жайда коопсуздук чараларын туруктуу сактоо боюнча түшүндүрүү иштерин жүрүгүзүүнү талап кылып, мындай каргашалуу окуялардын алдын-алууну дагы эскерттик.

Эскерте кетсек, үстүбүздөгү жылдын 5-октябрында Сүлүктү шаарындагы көмүр кенине 40, 43 жана 44 жаштагы бир туугандар көмүр казуу үчүн түшүшүп, тилекке каршы, кайра чыгышкан эмес.

Алишер ТОКСОНБАЕВ, өз кабарчы