1,022 Бардыгы /

Коронавируска байланыштуу Тегеранда адамдардын жума намазга чогулуусуна тыюу салынды. Өлкөдө вирус жуктургандардын саны 245ке жетти, арасында Аялдар жана үй-бүлө иштери боюнча вице-президент Масуме Эбтекар да бар.

Мындан улам Эбтекардын командасындагы бардык өкмөт мүчөлөрү вируска тест тапшыра башташты. 25-февралда COVID-19 вирусун Ирандын саламаттык сактоо министринин орун басары Ирадж Харирчи да жуктуруп алганы аныкталган.

Расмий маалыматтарга караганда, Иранда акыркы бир суткада каза болгондордун саны жетиден 26га жетти. Бул коронавирустан Кытайдын сыртында эң көп адам өлгөн алгачкы учур.

Коронавирус же COVID-19 Кытайдын Ухань шаарында январь айында катталган. Эпидемияга байланыштуу шаар карантинге алынган. Учурда коронавируска чалдыккандардын жалпы саны 82 миңден ашты. Каза болгондордун саны 3000ден ашты. Акыркы маалыматтарга караганда коронавирус 46 өлкөдө катталды.

www.