724 Бардыгы /

2-мартта Ташкентте «Мамлекеттик сырды жарыялоо» беренеси боюнча айыпталып жаткан отставкадагы подполковник, Коргоо министрлигинин алдындагы «Ватанпарвар» («Патриот») гезитинин кабарчысы Владимир Калошиндин иши боюнча сот отуруму уланды.

Айыпталуучунун Москвада жашаган кызы Анастасия Епишева отурумда атасы акыркы сөзүн сүйлөп, тагылган айыпты мойнуна албаганын билдирди. Анын айтымында, сот тергөө маалында Калошин психологиялык кыйноого алынгандыгы тууралуу адвокаттын арызына көңүл бурган жок. Мындан тышкары 2019-жылы декабрда айыпталуучунун камактагы мөөнөтү аяктагандыгына байланыштуу аны үй камагына чыгаруу тууралуу өтүнүч катты канааттандырган жок.

28-февралда Владимир Калошин менен анын адвокаты тергөө маалында отставкадагы подполковникке карата моралдык кызым болуп, психологиялык кыйноого алынгандыгы тууралуу арыз беришкен. Азырынча көзөмөл органы буга расмий жооп бере элек.

Анастасия Епишеванын айтымында, атасы Башкы прокуратурага жазган катында тергөөчүлөр аялынын, балдарынын жана неберелеринин өмүрүнө коркунуч бар экенин айтып, психологиялык кыйноого алышканын жазган.

68 жаштагы Владимир Калошин 2019-жылы июлда камакка алынган. Ал «Ватанпарвар» гезитинде акыркы жыйырма жылдан бери иштеп келген. 2000-жылы жаштарды патриоттуулукка тарбиялоо ишине салым кошкондугу үчүн «Шухрат» медалы менен сыйланган.

www.